「每去一個地方，就買當地的紀念碟同飲咖啡」
買紀念碟容易理解，但點解要飲咖啡？
讀書時睇過一套戲，好似係百分百感覺2
有一幕陳奕迅在餐廳被問到想飲d咩
佢既答案就係「Cappuccino」
果時唔知係咖啡既一種，只係覺得個名好型
有時，人就係咁天真
外國既咖啡係咪好飲d？
引用朋友的金句 - 「外國月亮特別圓，外國香腸特別香」
開頭都有相似想法，不過試多幾個不同地方的咖啡後
就知道唔一定了，個個口味唔同，筆者都試過唔同地方的咖啡
以下列出部分印象深刻既飲咖啡景點同小小評語
日本東京 - 米本珈啡本店
入面有一杯叫做Cafe Merange
其實就等同維也納咖啡，即係係咖啡個面度+Cream
口感同味道都係同維也納當地9成相似
位置在築地場外市場，Google下好易搵
推薦度：＊＊＊＊
奧地利維也納 - Cafe Central / Demel
維也納有三間咖啡店龍頭，小弟試左兩間
如果要講全世界最好飲既咖啡，目前為止會投維也納一票
好飲程度係值得為左飲咖啡而買機票tim
果隻好飲程度唔係比其他地方好飲少少，係好飲好多
推薦度：＊＊＊＊＊＊
越南咖啡 - 咖啡公寓The Cafe Apartment
網址吹到越南咖啡好好飲，就同父母去行下，好過次次去泰國
結果大失所望，太濃太甜... 係成個Trip甚至係呢個成棟都係飲咖啡既地方
試左四間，都係偏向濃味，唯一值得推薦既係手信
越南咖啡分1號到9號，一般推薦1號自用，手信5號
1號係好好飲既，買返屋企自己飲，但出奇係當地飲既咖啡都屬一般
推薦度：＊＊＊
意大利威尼斯 Caffè Florian - 全歐洲第一間咖啡店
300年歷史，全歐洲第一間，唔係第一，係第一間咖啡店
索價約＄150蚊一杯咖啡試唔試，答案當然係鳩衝啦
好飲度屬中等，當然入得去都係為一個紀念價值為主
推薦度：＊＊＊＊＊
法國巴黎 - 花神咖啡館 Cafe de Flore
去法國旅行爬文睇到既景點，名大於實
口味未必合適香港人，可以Skip左佢
推薦度：＊＊＊
泰國曼谷 - Blue Whale - 藍色既咖啡
太極樂隊金曲，紅色跑車第一句樂多8090後都識唱
紅色的跑車像是帶著神秘，同樣地
「藍色的咖啡像是帶著神秘」
果時去打卡就出左個咁樣既Post
以打卡角度,絕對值得5粒星,以好唔好飲角度,得1粒星
味道等同樓下7仔維他奶，係99%相似度
結論係，打卡一流，味道九流...
推薦度：＊＊＊
泰國曼谷 - Sora City - 超驚喜單車主題咖啡店
曾經係公路車發燒友,去旅行都會搵同單車有關既鋪頭
呢間鋪頭高度推薦,咖啡唔差過其他國家,甜品又好食
推薦度：＊＊＊＊
台灣台中 - Dilla Studio 蒔蘿子咖啡選物工作室
行完夜市腳累,想搵地方坐下,無意中發現呢間都出名
就入去一試,感覺同Sora City相似,各方面都係中上,咖啡好飲
推薦度：＊＊＊＊
美國西雅圖 - Starbucks Reserve 典藏咖啡以及咖啡烘培工廠
不用多介紹，Starbucks迷必到必飲必潮聖地方
有個Set比較平可以試晒種味度
推薦度：＊＊＊＊＊
澳洲悉尼 - Pancake On The Rocks
悉尼限定的鋪頭，牛肋骨超超超超超好食！
Cappuccino都有驚喜！
推薦度：＊＊＊＊＊
香港K11Musea - 陳豪開的咖啡店Blooms Coffee
陳豪自家品牌咖啡店，突登去排隊試試，Cappuccino屬中上水平
推薦度：＊＊＊＊
